/
/
ТУС ЦАГДААГИЙН ГАЗАР 2018 ОНЫ ҮЙЛ АЖИЛЛАГААНЫ ТАЙЛАНГАА “ИРГЭДИЙН ТӨЛӨӨЛӨГЧДИЙН ХУРАЛ, ИРГЭНИЙ ЗӨВЛӨЛ, ОРШИН СУУГЧДАД” ТАЙЛАГНАВ.
Цагдаагийн албаны тухай хуулийн 15 дугаар зүйлд заасны дагуу Дархан-Уул аймаг дахь Цагдаагийн газар 2018 оны үйл ажиллагааны тайлангаа Дархан-Уул аймгийн иргэдийн төлөөлөгчдийн хурал, хурлын дэргэдэх иргэний зөвлөл, иргэд оршин суугчдад 2018 оны 01 дүгээр сарын 14-ний өдрийн 15:00 цагт Залуучууд театрын Их танхимд тайлагналаа.
Тайлангийн хуралд ХЭЗХ-ийн дарга Л.Алтанчимэг, Дархан сумын Засаг даргын орлогч Д.Батбаяр, Иргэний зөвлөлийн дарга М.Тэгшжаргал, нар болон хууль хяналтын байгууллагын удирдлагууд, Дархан-Уул аймгийн иргэд оршин суугчид оролцлоо.
Тайлангийн хуралд оролцсон иргэдэд халуун чацарганаар үйлчилж, цагдаагийн байгууллагад хэрэглэгдэж байсан болон одоо ашиглаж байгаа багаж хэрэгсэл, тусгай хэрэгслийг үзэж сонирхуулан, иргэдэд газар дээр нь хууль зүйн зөвлөгөө, сурталчилгаа, санамж сэрэмжлүүлэг өгч, гарын авлага, тараах материал тараан өгч санал хүсэлтийг бичгээр, амаар, цахим хэлбэрээр хүлээн авч ажиллалаа.
