НҮБ-ын ерөнхий ассамблей 1992 оноос эхэлж жил бүрийн 10 дугаар сарын 1-ний өдрийг олон улсын ахмадын баяр болгон тэмдэглэхийг дэлхий даяар албан ёсоор тунхагласаны дагуу манай улс 1992 оноос эхлэн ахмадын баярыг тэмдэглэсээр даруй 27 жил болжээ.
   Ахмадын баярын өдрийг тохиолдуулан Цагдаагийн газраас гавъяаны амралтандаа гарсан үе үеийн ахмадуудыг хүлээн авч, хүндэтгэл үзүүллээ. Хүндэтгэлийн үйл ажиллагааг нээж Цагдаагийн газрын дарга, цагдаагийн хурандаа Х.Алтанхуяг баярын мэнд хүргэв.
  Цагдаагийн газраас ЦЕГ-ын дарга, дотоодын цэргийн командлагчийн 2019 оны А/137 тушаалаар “Ахмад, дунд, залуу үеийн залгамж холбоог хөгжүүлэх хөтөлбөр ”-ийн хүрээнд “Ахмадын холбоо” төрийн бус байгууллагатай хамтран хийж гүйцэтгэсэн онцлог үйл ажиллагааг танилцуулан, цагдаагийн газрын авъяаслаг алба хаагчид урлагийн тоглолтоор баярын мэндчилгээ дэвшүүллээ.
Тус баярыг тохиолдуулан ЦЕГ-ын болон аймаг орон нутгийн шагналаар шагнагдсан 9 ахмадын шагналыг Цагдаагийн газрын дарга, Цагдаагийн хурандаа Х.Алтанхуяг, “Ахмадын холбоо” ТББ-ын тэргүүн бэлтгэл хурандаа Б.Батсайхан нар гардуулав.